राजश्री - सगळीकडे पहिली असणारी मैत्रीण
लेखक -डॉ. आनंद आंबेकर
रत्नागिरी
०४/०९/२०२६
—---------------------—---------------------------------------
१८ ऑगस्ट २०२६ सकाळी सहा वाजता अचानक बिपिनचा फोन आला.. विलंब नलावता उचलला .. राजश्री कोल्हापूरला ऍडमिट होती.. शनिवारी मी,गौरी आणि दोन्ही मुलं आणि सोबत कोल्हापूरचा मित्र अमर राजश्री जिथे ऍडमिट होती त्या प्रभु हॉस्पिटलमध्ये बिपीन आणि त्याचा मुलगा मिहिर यांना भेटून आलो होतो. राजश्रीच्या आजारपणाबद्दल बिपीन खुप आशावादी होता.. राजश्री बरी झाली की .. जबरदस्तीने योगाला घेऊन जाईन .. तिची कोणतीच सबब ऐकणार नाही ..पण तब्बेत बघता काहीच कळत नव्हते …. आणि फोन वरून बिपिनने कल्पना करू शकत नाही अशी बातमी दिली. बिपिनच्या भावनांचा बांध फुटला होता.. मला ही माझ्या भावना आवरता आल्या नव्हत्या.. गौरी आणि आर्या मला सावरत होत्या मी असा रडतांना आर्याने कधीच पाहिलं नव्हतं. ग्रुपवर राजश्रीच्या जाण्याचा मेसेज टाईप करताना एक एक शब्द असंख्य वेदनांनी पडत होते.. कोणी गेले की भावपूर्ण श्रद्धांजली लिहायला कधी एव्हढे काही वाटत नव्हते पण आज असे का होते कळत नव्हते.. मेसेज पूर्ण होताच सुन्न अवस्थेत बसलो होतो पहिला फोन सुजितला केला पण उचलला नाही तितक्यात मंगलोर वरून प्रशांतचा फोन आला …आणि आम्ही दोघे घरातील जवळचे गेले असे रडत होतो.मी सर्व महाराजा ग्रुप मधील सर्वांना फोन करून बातमी सांगितली.. प्रशांत सोबत जी अवस्था झाली … तीच इतरांशी बोलताना झाली .. आमच्यातील पहिली मैत्रीण .. पहिली ग्रूप मेंबर आम्हाला सोडून गेली होती.
राजश्रीचे जग सोडून जाणे …म्हणजे एखाद्या फिल्मचा शेवट नपाहिल्यावर होणाऱ्या अस्वस्थेची भावना निर्माण होते अशी मनाची अवस्था आहे.
१९९० पासून ३६ वर्ष मैत्री असणारी व्यक्ती अचानक जग सोडून गेली.हे मनाला अजूनही पटत नाही गेल्या 36 वर्षात अधून मधून राजश्री अदृश्य होण्याची कारणे सुद्धा अतिशय लहान मुलाच्या स्वभावाप्रमाणे असायची.
१९९० मध्ये गोगटे जोगळेकर महाविद्यालय रत्नागिरी मध्ये ११ वी मध्ये प्रवेश घेतल्यानंतर पहिल्याच भेटीत लक्षात राहणारी राजश्री अनेक वेगवेगळ्या कारणाने आमच्यासमोर यायची मी आंबेड सोडून रत्नागिरी मध्ये शिक्षणासाठी आलो होतो तशीच राजश्री सुद्धा दापोली सोडून शिक्षणासाठी रत्नागिरी मध्ये आली होती. सुरुवातीला तुफिल पटेल आणि नंतर रत्नागिरी मध्ये स्थायिक असलेले हेमंत मांडवकर, राजेश जाधव आणि माझी पहिल्यांदा मैत्री झाली त्यानंतर बिपिन शिवलकर, सचिन सावंत , प्रशांत बापर्डेकर सिनियर कॉलेजला आल्यावर सुजित कीर , संदेश कीर , दैवत कडगावे, राजा घाग,सतीश नाईक अशी एकत्र मित्रमंडळी सतत सहवास सुरू झाला. त्यावेळेला कॉलेजमध्ये नवख्या मुलांसंदर्भात बऱ्यापैकी चेष्टा मस्करी सुरू असायची राजश्रीचा स्वभाव बिनधास्त असल्यामुळे तिची चेष्टा मस्करी काही बिंदास मुलं करायची.. पण आम्ही अकरा जन म्हणजे महाराजा ग्रुप सतत तिच्या पाठीमागे असायचो.राजश्रीला कायमच धाडसी गोष्टी करण्याचे आवड असायची ती इतर मुलींसारखी अजिबात नव्हती आपल्याला काहीतरी मोठं करायचं आहे या तंद्रीमध्ये असायची म्हणूनच एनसीसी मध्ये दिल्ली येथे होणाऱ्या राजपथ परेड साठी होणाऱ्या कॅम्पमध्ये तिचे सिलेक्शन झाले होते आणि कराटे मध्ये चांगले प्राविण्य मिळवले त्यावेळी ब्लॅक बेल्ट मिळवणारी राजश्री कॉलेजमध्ये पहिली मुलगी होती. नंतर ती मुलींना स्वसंरक्षणासाठी कराटेचे क्लास घेऊ लागली. विद्यार्थी सार्वत्रिक निवडणुका बंद झाल्यावर सांस्कृतिक महोत्सव सुरू झाले सर्वात पॉप्युलर मुलगी म्हणून रोज क्वीनचा सुद्धा तिने पहिला मान मिळवला.कॉलेजमध्ये आमच्या क्लासमध्ये टू व्हीलर चालवणारी सुद्धा ती पहिली होती.
कॉलेज संपल्यानंतर थोड्याच दिवसात राजश्री आणि बिपिन शिवलकर यांनी लग्न केले हा सुद्धा महाराजा ग्रुप मध्ये पहिला मान पटकावला…बिपिनच्या पाठिंबामुळे ती राजकारणामध्ये उतरली पहिल्याच प्रयत्नात ती नगरसेवक झाली. महिला बाल कल्याण सभापती असताना राजश्रीने महिलांसाठी अतिशय उपयुक्त असे कार्यक्रम घेतले आज तिच्या अंत्ययात्रेला तिच्या वॉर्ड मधील सर्व जाती-धर्माच्या महिला प्रचंड संख्येने उपस्थित होत्या . महिलांच्या आरोग्यविषयक अनेक कल्पना तिने राबवल्या त्याचबरोबर महिलांना आर्थिक सबलीकरण करण्यासाठी बचत गट महिलांच्या सक्षमीकरणासाठी अतिशय दर्जेदार कार्यक्रम राजश्रीने घेतले . समाजकारण आणि घरातील जबाबदाऱ्या यांचा अतिशय समतोल साधण्याचा प्रयत्न केला पण कुठेतरी तिच्या तब्येती वरती नकळत परिणाम होत होता तिच्या पर्सनल हेल्थकेअर वर हल्ली वारंवार तक्रारी सुरू झाल्या होत्या परंतु त्या काही एवढ्या गंभीर नव्हत्या परंतु अचानक तिला तीव्र हृदयविकाराचा अटॅक आल्याने हॉस्पिटलमध्ये ऍडमिट झाली पण... अतिशय कमी दिवसात मन सुन्न करून राजश्री आम्हाला सोडून गेली.
बिपिनच्या घरच्या सर्व सदस्यांना जग थांबल्या सारखे झाले होते. बिपीनचा भाऊ सचिन हॉस्पिटल मध्ये घेऊन जाताना ड्रायव्हिंग करत होता.आत सुन्न झाला होता.. जवळ गेल्यावर हुंदका देत म्हणाला.. राजश्रीने अजिबात वेळ दिला नाही मारुती मंदिर पर्यंत जातानाच दम सोडला होता.. मिहिर आणि तरुण अखंड कोसळले होते बिपीनची आई आजारी असते. भेटायला गेल्यावर म्हणते तुमची राजू..माझं आजारपण काढायला लागेल म्हणून गेली वाटते.. काकीची अवस्था बघवत नव्हती. दहाव्याच्या दिवशी बिपिनची वयाने सर्वात लहान बहीण..पण राजश्री गेल्याने सर्व घराचा भावनिक भार तिच्यावर आल्याचे स्पष्ट दिसत होते .आई आजारी आणि राजश्री अशी अचानक सोडून गेली. एखाद्याच्या कुटुंबात सर्व भार स्वतःच्या अंगावर घेणारी बाई गेली की असंच दुसऱ्या बाई वरती भार येतो अशी अवस्था रूपाची दिसत होती.आयुष्यात खूप व्यक्ती जग सोडून जातात परंतु सतत अव्वल येण्याची धडपड असणारी राजश्री या ठिकाणी सुद्धा आम्हाला सर्वांना सोडून पहिला नंबर मिळवला होता .
बिपीन आणि राजश्रीचा फोटोग्राफर भाऊ प्रवीण आंबेकर याच्या रत्नागिरीच्या प्रदर्शनातील फोटो
९ टिप्पण्या:
भावपूर्ण श्रद्धांजली 🌹
राजश्री शिवलकर हसमुख, मनमिळाऊ आणि प्रेमळ स्वभावाची मैत्रीण होती. तिच्या सहवासातील प्रत्येक क्षण आज आठवणी बनून मनाला चटका लावून जातो. तिचे आपुलकीचे बोलणे, हसतमुख चेहरा आणि मनमोकळा स्वभाव कायम स्मरणात राहील.
आज ती आपल्यात नाही, ही जाणीव मनाला अतिशय वेदना देणारी आहे. तिच्या जाण्याने निर्माण झालेली पोकळी कधीही भरून निघणार नाही. ईश्वर तिच्या आत्म्यास चिरशांती देवो आणि तिच्या कुटुंबीयांना हे दुःख सहन करण्याचे बळ देवो.
भावपूर्ण श्रद्धांजली! 🙏🌹
राजश्री, तुझ्या आठवणी सदैव आमच्या हृदयात जिवंत राहतील.
Irshad Ali Sagvekar
Irshad Ali Sagvekar
भावपूर्ण श्रद्धांजली 🌹
राजश्री शिवलकर हसमुख, मनमिळाऊ आणि प्रेमळ स्वभावाची मैत्रीण होती. तिच्या सहवासातील प्रत्येक क्षण आज आठवणी बनून मनाला चटका लावून जातो. तिचे आपुलकीचे बोलणे, हसतमुख चेहरा आणि मनमोकळा स्वभाव कायम स्मरणात राहील.
आज ती आपल्यात नाही, ही जाणीव मनाला अतिशय वेदना देणारी आहे. तिच्या जाण्याने निर्माण झालेली पोकळी कधीही भरून निघणार नाही. ईश्वर तिच्या आत्म्यास चिरशांती देवो आणि तिच्या कुटुंबीयांना हे दुःख सहन करण्याचे बळ देवो.
भावपूर्ण श्रद्धांजली! 🙏🌹
राजश्री, तुझ्या आठवणी सदैव आमच्या हृदयात जिवंत राहतील.
राजश्री ही माझी कॉलेज मधली मैत्रीण पण गॅस एजन्सी मुळे माझ्या जास्त संपर्कात होती.कोणाच्याही कामासाठी हक्काने कॉल करायची. तिचं आपुलकीनं बोलणं कायम आठवणीत राहिलं.एवढया लवकर असं अचानक आपल्यातून निघून जाईल असं मनाला पटत नाही.
भावपूर्ण श्रद्धांजली राजू 🙏🏻
जशी लाट कितीही दूर गेली तरी पुन्हा पुन्हा किनाऱ्यावर येते तशी एखाद्या नात्याची, आठवणींची किंवा मनाची ओढ कायम असते... ही ओढ मैत्रीण राजश्रीच्या रूपाने कायमची विलीन व्हावी, हे मला न पटणारे आहे... मित्रा आनंद तू वर्णिलेला राजश्रीचा प्रवास डोळ्यासमोर येऊन मनाला चटका देऊन गेला, ते दुःख आणि त्या आठवणी डोळ्यासमोर येऊन डोळे अश्रूंनी डबडतात... बिपिनच्या परिवाराला या भयंकर दुःखातून सावरण्याची ईश्वर शक्ती देवो, ही त्याकडे प्रार्थना!
राजश्रीला भावपुर्ण आदरांजली 💐🙏🏼
✒️प्रभाकर रुक्मिणी राजाराम कांबळे, रत्नागिरी
राजश्री शिवलकर मॅडमना भावपूर्ण श्रद्धांजली. ईश्वर त्यांच्या आत्म्यास चिरशांती लाभो. ती आज आपल्या मध्ये नाही हे मनाला पटत नाही.तिची आठवण कायम आमच्या मनात घर करून गेली आहे.
तुझ्या आठवणी कायम मनात राहतील…
नियतीने असा का खेळ मांडला,
हसतं-खेळतं आयुष्य अचानक थांबवलं…
तू होतीस आमच्या मैत्रीचा सुंदर धागा,
क्षणात का तो हातातून सुटून गेला…
तुझ्या हसण्यात एक वेगळीच जादू होती,
तुझ्या शब्दांत आपुलकीची ऊब होती,
तुझ्यासोबत घालवलेला प्रत्येक क्षण,
आज आठवणी बनून डोळ्यांत पाणी आणतो…
मैत्रीचे ते दिवस कधीच विसरता येणार नाहीत,
तुझ्या आठवणी मनातून कधीच पुसता येणार नाहीत.
तू दूर गेलीस, पण मनापासून नाही,
तुझी जागा आमच्या हृदयातून कधीच जाणार नाही…
आज शब्दही थांबलेत, अश्रूही थांबत नाहीत,
तुझ्या आठवणींशिवाय हे मन काही मानत नाही.
देवाच्या चरणी एवढीच प्रार्थना,
तुझ्या आत्म्यास शांती लाभो हीच भावना…
तू जिथे कुठे असशील, सुखी रहा,
आमच्या आठवणींमध्ये सदैव जिवंत रहा.
तुझी मैत्री आमच्यासाठी एक अनमोल आठवण आहे,
आणि ती आठवण शेवटच्या श्वासापर्यंत मनात राहील.
भावपूर्ण श्रद्धांजली! 🕯️🙏
🙏🏻भावपूर्ण श्रद्धांजली 🙏🏻
राजश्री (राजू) एक तेजस्वी व्यक्तिमत्त्व म्हणजेच मनमिळाऊ आपुलकी असा स्वभाव. सामाजिक क्षेत्रात पण तिने जबाबदारीने काम केले. आज तिने समाजात आपल्या नावाचा ठसा उमटवला आहे.जरी आज ती आपल्यात देहरूपी नसेल पण तिच्या ह्या आठवणी कायम स्वरुपी आपल्या हृदयात सदैव राहतील. ईश्वर तिच्या आत्म्यास चिरशांती देवो 🌹🙏🏻
ओम शांती
राजश्री माझी कॉलेजमधली मैत्रीण. मी कॉमर्स साईड ला होते तर ती आर्टस ला.. पण एनएसएसच्या माध्यमातून आमची भेट झाली. आनंदच्या ग्रृप मध्ये सामिल झाल्यावर मला जो मित्रपरिवार मिळाला त्यात राजू होती. त्यामुळे कॅम्प, कार्यक्रम यातून आमची एक छान मैत्री जुळली. ती पुढेही राहिली. कॉलेज संपल्यावर नियमित नसली तर अधूनमधून भेट व्हायची. एकमेकिंशी संवाद साधताना मध्यल्या न भेटलेल्या काळाचा परिणाम कधीच झाला नाही. रोजचीच भेट असल्यासारखं सहज बोलणं व्हायचं.
राजूचं अचानक जाणं खरंच मनाला चटका लाऊन गेलं.. ती गेली तेव्हा मी रत्नागिरी नव्हते.. मला समजलं तेव्हा नक्कीच नावात गफलत असावी.. बातमी चुकिची असावी असं मनापासून वाटत होतं. पण तसं झालं नाही. राजूचं जाण स्विकारणं खरंच जड जातंय. ती आपल्यात नाही, ही जाणीव मनाला अतिशय वेदनादायी आहे. पण तरीही, बिपिनला.. त्याच्या परिवाराला या भयंकर दुःखातून सावरण्यासाठी ईश्वर बळ देवो ही इश्वरचरणी प्रार्थना.
....अमला
राजश्रीला भावपूर्ण श्रद्धांजली हे वाक्य लिहितानासुद्धा खरे वाटत नाही आहे कि ती आता या जगात नाही आहे 🥺 तसा माझा तिच्याशी प्रत्यक्ष फार संपर्क नव्हता. ती आर्ट्सला तर मी कॉमर्सला.. पण एकाच कॉलेजमध्ये असल्याने ती नेहमी दिसायची आणि लक्षात रहावे असेच व्यक्तिमत्व होते तिचे.. कायम एकदम fresh energetic राहणी एकदम tiptop त्यामुळे सर्वांमध्ये उठून दिसायची..scooty घेऊन ऐटीत यायची तेव्हा तिच्याबद्दल कुतूहल आणि कौतुक वाटायचे कारण त्यावेळी फार कमी मुली अशा dashing असायच्या.आज जेव्हा आनंदचा message वाचला राजश्री शिवलकर गेली तेंव्हा क्षणभर विश्वासच बसला नाही. तिचा अजुनही तोच हसरा चेहरा डोळ्यासमोर आहे. ती जिथे कुठे आहे, ईश्वर तिला सुखात ठेवो. आणि तिच्या कुटुंबियांना हे दुःख पचविण्याचे सामर्थ्य देवो 🙏🏻🙏🏻🙏🏻
प्रांजल प्रसाद देशपांडे
मुंबई
( राणी जमादार)
टिप्पणी पोस्ट करा